அவரது உத்தரவின் பேரில் தனிப்படை போலீஸ் சப்-இன்ஸ்பெக்டர் குமார் தலைமையிலான போலீசார் அந்த பகுதியில் தீவிர ரோந்து பணியில் ஈடுபட்டு கொண்டு இருந்தனர். அப்போது கனகம்மாசத்திரம் அருகே புதூர் என்ற இடத்தில் அதிவேகமாக வந்த சரக்கு வாகனத்தை நிறுத்தி போலீசார் சோதனை மேற்கொண்டனர்.

அந்த வாகனத்தில் இரும்பு கம்பிகள் இருந்தது தெரியவந்தது. போலீசாரின் விசாரணையில், விழுப்புரம் மாவட்டம் முகையூரை சேர்ந்த ரவிக்குமார் (வயது 24), தாவடிப்பட்டு பகுதியை சேர்ந்த காளிதாஸ் (20) ஆகிய 2 பேரும் திருத்தணியை அடுத்த பூனிமாங்காடு அருகே உள்ள நூல் தயாரிக்கும் மில்லில் இருந்து 2 டன் எடையுள்ள இரும்பு கம்பிகளை திருடி சரக்கு வாகனத்தில் ஏற்றி திருவள்ளூரில் விற்பனைக்கு எடுத்து செல்லும் போது பிடிப்பட்டது தெரியவந்தது.