சென்னை பெரியமேடு சூளை ரவுண்டானா பகுதியைச் சேர்ந்தவர் மணிகண்டன். 2020-ம் ஆண்டு அதே பகுதியைச் சேர்ந்த மணிகண்டனின் நண்பரான பாலு (வயது 26) உள்ளிட்ட 3 பேர் மணிகண்டனிடம் மது அருந்த பணம் கேட்டனர். மணிகண்டன் பணம் கொடுக்காமல் அவர்களை அவமானப்படுத்தியதாக கூறப்படுகிறது. இந்த முன்விரோதம் காரணமாக 13.3.2020 அன்று சூளை ரவுண்டானா பஸ் நிறுத்தம் அருகே நண்பர்களுடன் பேசிக்கொண்டிருந்த மணிகண்டனை பாலு, தங்கா (39), ஹேமநாதன் (33) ஆகியோர் கட்டையால் தாக்கினர். இதில் பலத்த காயம் அடைந்த மணிகண்டன் உயிரிழந்தார்.