இந்த நிலம் 99 ஆண்டு குத்தகை காலம் முடிவுற்ற பின் கோவில் வசம் ஒப்படைக்க கோவில் செயல் அலுவலர் ஐகோர்ட்டில் வழக்கு தொடர்ந்தார். அதேபோல் கலவலக் கண்ணன் செட்டி சாரிட்டீஸ் மூலம் வழக்கு தொடரப்பட்டது. வழக்கில் கோவிலுக்கு சாதகமாக தீர்ப்பு பெறப்பட்டது.

அதனடிப்படையில் பள்ளிக்கூடத்தை தங்களால் தொடர்ந்து நடத்த இயலாது என கலவலக் கண்ணன் செட்டி சாரிட்டீஸ் நிறுவனத்தினர் தெரிவித்தனர். இதனை தொடர்ந்து தமிழக அறநிலையத்துறை அமைச்சர் பி.கே.சேகர்பாபு முன்னிலையில் காஞ்சீபுரம் ஏகாம்பரநாதர் சாமி கோவில் செயல் அலுவர் தியாகராஜனிடம், கலவலக் கண்ணன் செட்டி சாரிட்டீஸ் நிர்வாக அறங்காவலர் பல கோடி மதிப்புள்ள 32 கிரவுண்டு இடம் மற்றும் பள்ளி கட்டிடங்களுக்கான ஆவணங்களை கோவில் வசம் ஒப்படைத்தார்.

இந்த நிகழ்ச்சியில் சுற்றுலா பண்பாடு மற்றும் அறநிலையத்துறை அரசு முதன்மைச் செயலாளர் டாக்டர் பி.சந்திரமோகன், அறநிலையத்துறை கமிஷனர் ஜெ.குமரகுருபரன், கூடுதல் கமிஷனர் (விசாரணை) ந.திருமகள், காஞ்சீபுரம் இணை-கமிஷனர் பொ.ஜெயராமன் ஆகியோர் உடன் இருந்தனர்.

கோவிலுக்கு சொந்தமான, பூந்தமல்லி நெடுஞ்சாலையில் மீதம் உள்ள 96.5 கிரவுண்டு பரப்புள்ள இடத்தையும் கோவில் வசம் கொண்டு வர துரித நடவடிக்கை எடுக்க வேண்டும் என்று அமைச்சர் பி.கே.சேகர்பாபு அதிகாரிகளுக்கு உத்தரவிட்டார்.

இதனை ஏற்று அரசு முதன்மைச் செயலாளர் டாக்டர் பி.சந்திரமோகன், அறநிலையத்துறை கமிஷனர் ஜெ.குமரகுருபரன் உள்ளிட்ட அதிகாரிகள் நடவடிக்கையில் இறங்கி உள்ளனர்.