7.5 சதவீத இடஒதுக்கீடு மசோதாவுக்கு ஒப்புதல் பெறுவதற்கு, பிரதமருக்கோ அல்லது உள்துறை மந்திரிக்கோ, அழுத்தம் கொடுக்க முதலமைச்சர் அஞ்சுவதாக தி.மு.க. தலைவர் மு.க.ஸ்டாலின் தெரிவித்துள்ளார்.

இதுகுறித்து தனது முகநூல் பக்கத்தில் வெளியிட்ட அறிக்கையில், தமிழக அரசுப் பள்ளி மாணவர்களுக்கு மருத்துவப் படிப்பில் 7.5 சதவீத இடஒதுக்கீடு அளிக்கும் மசோதாவை ஒரு மாதத்திற்கும் மேலாக நிறுத்தி வைத்திருக்கும் கவர்னருக்கு, மேலும் தாமதம் செய்யாமல், உடனடியாக அதற்கு ஒப்புதல் அளித்திட உத்தரவிடுமாறு வலியுறுத்தி, மத்திய உள்துறை மந்திரிக்கு தி.மு.க. எம்.பி.க்கள் கடிதம் அனுப்பியிருக்கிறார்கள்.