இதுகுறித்து ஏற்கனவே அக்கம்பக்கத்து கிராமங்களில் ஒலி பெருக்கி மூலமாக தகவல் தெரிவிக்கப்பட்டு இருந்தது. சுற்றுவட்டார பகுதிகளில் இருந்து 10-க்கும் மேற்பட்ட கிராமத்தினர் அதிகாலையிலேயே கண்மாய்க்கு வந்தடைந்தனர். அங்குள்ள கருப்புசாமி கோவிலில் சிறப்பு பூஜை நடத்தப்பட்டது. பின்னர் கண்மாய் கரையில் நின்று வெள்ளை வீசியதை தொடர்ந்து பொதுமக்கள் மீன்பிடி உபகரணங்களான கச்சா, வலை, ஊத்தா கூடை உள்ளிட்டவைகளை கொண்டு கண்மாய்க்குள் இறங்கினர். நாட்டுவகை மீன்களான கட்லா, சிலேபி, ரோகு, கெண்டை உள்ளிட்ட மீன்களை பிடித்து உற்சாகம் அடைந்தனர். பாட்டிபோட்டு மீன்பிடித்தவர்களால் விழா களைகட்டியது.