தஞ்சை மாவட்டம் பேராவூரணி அருகே உள்ள சொர்ணாக்காடு பகுதியை சேர்ந்தவர் செல்வம்(வயது 53). இவருடைய மகன் ரஞ்சித்(27). இவருடைய நண்பர் திருச்சி மாவட்டம் மருங்காபுரி தாலுகா வேம்பனூரை சேர்ந்தவர் கருப்பையா மகன் சுந்தரபாண்டி(வயது 34). இவர் தனியார் பஸ் டிரைவராக பணிபுரிந்து வந்தார்.ரஞ்சித்துக்கு பட்டுக்கோட்டை பகுதியை சேர்ந்த அப்போது 9-ம் வகுப்பு படித்த 14 வயது சிறுமியுடன் பழக்கம் ஏற்பட்டுள்ளது. இதையடுத்து ரஞ்சித் அந்த சிறுமியை வெளியூருக்கு கடத்திச்சென்று பாலியல் பலாத்காரம் செய்துள்ளார்.இதற்கு ரஞ்சித்தின் தந்தை செல்வம் மற்றும் சுந்தரபாண்டி ஆகியோரும் உடந்தையாக இருந்துள்ளனர். இது குறித்து சிறுமியின் பெற்றோர். திருச்சிற்றம்பலம் போலீசில் புகார் செய்தனர். புகாரின் பேரில் போலீஸ் இன்ஸ்பெக்டர் செந்தில்குமார் மற்றும் போலீசார் வழக்குப்பதிவு செய்து விசாரணை நடத்தி ரஞ்சித், சுந்தரபாண்டி, செல்வம் ஆகிய 3 பேரையும் கைது செய்தனர்.