கார் மீது கன்டெய்னர் லாரி மோதி விபத்து.. கோவில்பட்டியை சேர்ந்த தம்பதிக்கு நேர்ந்த சோகம்

தம்பதி பலி

இந்த விபத்தில் லதா சம்பவ இடத்திலேயே உடல் நசுங்கி பலியானார். தங்க மாரியப்பன், செந்தில்குமார் ஆகிய 2 பேரும் இடிபாடுகளில் சிக்கி படுகாயம் அடைந்தனர். இதையடுத்து அந்த வழியாக வந்த வாகன ஓட்டிகள் 2 பேரையும் மீட்டு தர்மபுரி அரசு மருத்துவமனைக்கு சிகிச்சைக்காக அனுப்பி வைத்தனர். அங்கு சிகிச்சை பலனின்றி தங்க மாரியப்பன் பரிதாபமாக உயிரிழந்தார். செந்தில்குமாருக்கு தீவிர சிகிச்சை அளிக்கப்பட்டு வருகிறது.

டிரைவர் கைது

இந்த விபத்து காரணமாக தர்மபுரி-சேலம் தேசிய நெடுஞ்சாலையில் 3 மணி நேரத்திற்கும் மேலாக போக்குவரத்து பாதிக்கப்பட்டது. இதுகுறித்து தகவல் அறிந்ததும் தொப்பூர் போலீசார் மற்றும் சுங்கச்சாவடி ரோந்து படையினர் விரைந்து சென்று விபத்தில் சிக்கிய வாகனங்களை அப்புறப்படுத்தி போக்குவரத்தை சீரமைத்தனர்.

தொடர்ந்து போலீசார் வழக்குப்பதிவு செய்து கன்டெய்னர் டிரைவரான தர்மபுரி மாவட்டம் அரூர் அருகே உள்ள மாம்பட்டியை சேர்ந்த சசிகுமார் (52) என்பவரை கைது செய்தனர்.