ஆமதாபாத் விமான விபத்து நினைவு தினம்; ஏர் இந்தியா ஊழியர்கள் நாளை மவுன அஞ்சலி

விமானம் வெடித்து சிதறியதில் அதில் இருந்த 241 பேரும், மருத்துவக் கல்லூரி விடுதியில் இருந்த 5 எம்.பி.பி.எஸ். மாணவர்களும், பொதுமக்கள் 14 பேர் என மொத்தம் 260 பேர் உயிரிழந்தனர். விஸ்வாஸ் குமார் என்ற பயணி மட்டும் அதிர்ஷ்டவசமாக உயிர் தப்பினார்.

உயிரிழந்தவர்களின் உடல்களில் அடையாளம் காண முடியாத அளவுக்கு தீயில் கருகி உருக்குலைந்து இருந்ததால், டி.என்.ஏ. சோதனை மூலம் அவர்களின் உடல்கள் அடையாளம் காணப்பட்டு, உறவினர்களிடம் ஒப்படைக்கப்பட்டன. விபத்தில் உயிரிழந்த இங்கிலாந்து, போர்ச்சுகல் மற்றும் கனடா நாட்டைச் சேர்ந்தவர்களின் உடல்கள் அவர்களின் சொந்த நாடுகளுக்கு அனுப்பி வைக்கப்பட்டன.