அ.தி.மு.க. சார்பில் மயிலம் ஒன்றியத்தில் பூத் கமிட்டி அமைப்பதற்கான ஆலோசனை கூட்டம் கொல்லியங்குளத்தில் சுந்தர விநாயகர் கோவில் அருகில் நடைபெற்றது. இதற்கு மயிலம் கிழக்கு ஒன்றிய செயலாளர் டி.டி. சேகரன் தலைமை தாங்கினார். திண்டிவனம் எம்.எல்.ஏ. அர்ச்சுனன், இளம்பெண் பாசறை மாவட்ட செயலாளர் ஜெயபிரகாஷ் ஆகியோர் முன்னிலை வகித்தனர். மயிலம் ஒன்றிய பொருளாளர் சிவஞானம், கிளை பிரதிநிதி விஜயன் ஆகியோர் வரவேற்றனர்.

கூட்டத்தில் முன்னாள் அமைச்சர் சி.வி. சண்முகம் எம்.பி. சிறப்பு அழைப்பாளராக கலந்துகொண்டு வருகிற நாடாளுமன்ற தேர்தலுக்கான பூத் கமிட்டி முகவர்கள் அமைப்பது, கட்சி உறுப்பினர்கள் சேர்த்தல் உள்ளிட்ட பல்வேறு ஆலோசனை வழங்கி பேசினார்.