அ.தி.மு.க. முன்னாள் அமைச்சர் சி. விஜயபாஸ்கர் எம்.எல்.ஏ. பதவியில் இருந்து ராஜினாமா

கட்சி தலைமைக்கு எதிராக இருந்த அந்த பதிவால் தொண்டர்களிடையே சலசலப்பு ஏற்பட்டது. இந்த சூழலில், அ.தி.மு.க. முன்னாள் அமைச்சரான சி. விஜயபாஸ்கர் இன்று எம்.எல்.ஏ. பதவியை ராஜினாமா செய்துள்ளார். புதுக்கோட்டை மாவட்டம் விராலிமலை தொகுதி எம்.எல்.ஏ.வான அவர் தலைமை செயலகத்தில் சபாநாயகர் ஜே.சி.டி. பிரபாகரை நேரில் சந்தித்து, தன் கைப்பட எழுதிய ராஜினாமா கடிதம் ஒன்றை வழங்கினார். அப்போது, சட்டசபை செயலாளர் சாந்தியும் உடன் நின்றார்.

கட்சி தலைமை மீது அதிருப்தியில் இருந்த நிலையில், சி. விஜயபாஸ்கர் இந்த முடிவை எடுத்துள்ளார். அவர், அ.தி.மு.க.வில் இருந்து பதவி விலகிய 5-வது எம்.எல்.ஏ. ஆவார். இதனால், அ.தி.மு.க. எம்.எல்.ஏ.க்களின் பலம் 47-ல் இருந்து 42 ஆக குறைந்துள்ளது.

இந்த சூழலில், அவர் அளித்த ராஜினாமா கடிதம் ஏற்கப்பட்டு உள்ளது. இதனை தொடர்ந்து அந்த கடிதம் தேர்தல் ஆணையத்திற்கு அனுப்பி வைக்கப்படும். இதன்பின்னர் விராலிமலை தொகுதி காலியானது என முறைப்படி அறிவிக்கப்படும்.