ஒகி புயலால் குமரி மாவட்டத்தில் ஏற்பட்டிருக்கும் பாதிப்புகளைப் பார்வையிட வந்திருக்கும் பிரதமர் நரேந்திர மோடி தற்போது அறிவித்திருக்கும் ரூ.561 கோடி நிவாரணத் தொகைக்கும் கூடுதலாக நிதியுதவி வழங்க வேண்டும் என்றும் வேண்டுகோள் வைக்கிறேன். மீனவ சமூகத்தினரின் பெரும்பான்மையினர் கிறிஸ்தவ சமூகத்தைச் சேர்ந்தவர்கள் என்ற வகையில், அடுத்த வாரம் வரவிருக்கும் கிறிஸ்துமஸ் பண்டிகையை மனநிறைவோடு கொண்டாடும் விதமாக காணாமல்போன மீனவர்கள் அனைவரும் மீட்கப்பட வேண்டும். அதோடு தகுந்த நிவாரணமும் வழங்கப்பட வேண்டும் என்பதை அகில இந்திய சமத்துவ மக்கள் கட்சியின் சார்பில் மீண்டும் வலியுறுத்துகிறேன்.