தனிப்படை போலீசார் தனித்தனியாக பிரிந்து கொலையாளிகளை தேடி வருகின்றனர். இந்த வழக்கில் தேடப்பட்ட 4 பேரில் தங்கஜோஸ் நாகர்கோவில் சுங்கான்கடை பகுதியில் உள்ள மலையில் பதுங்கியிருப்பதாக தனிப்படை போலீசாருக்கு தகவல் கிடைத்தது. இதனையடுத்து அந்த மலையை 20-க்கும் மேற்பட்ட போலீசார் சுற்றி வளைத்தனர். போலீசாரை பார்த்ததும் தங்க ஜோஸ் தப்பி ஓடினார். தொடர்ந்து டிரோன் மூலம் தேடுதல் வேட்டை நடத்தி தங்கஜோசை போலீசார் பிடித்தனர். அவரை போலீசார் கைது செய்து பூதப்பாண்டி கோர்ட்டில் ஆஜர்படுத்தி நாகர்கோவில் சிறையில் அடைத்தனர்.