தெலுங்கனா மாநில கவர்னரும், புதுச்சேரி மாநில துணை நிலை கவர்னருமான டாக்டர் தமிழிசை சவுந்தரராஜன் இன்று காலை 10 மணி அளவில் விமானம் மூலம் கோவை வந்தார். பின்னர் கோவை விமான நிலையத்தில் நிருபர்களுக்கு அளித்த பேட்டியில் கூறியதாவது:-

கொரோனா இல்லாத நாடாக இன்று இந்தியா உள்ளது. அதற்கு காரணம் 180 கோடி தடுப்பூசி போட்டதால் தான். மேலும் மத்திய, மாநில அரசுகளின் பங்களிப்பு தான். இருந்தபோதிலும் பொதுமக்கள் முன்னெச்சரிக்கை நடவடிக்கையாக அனைவரும் முககவசம் கட்டாய அணிய வேண்டும். தெலுங்கானவில் கவர்னர் உரையில்லாமல் சட்டமன்றம் தொடங்கி இருக்கிறது. அதனை பெரிது படுத்தவில்லை.. மக்களுக்காக அதை நான் விட்டுவிட்டேன். மக்களுக்கான திட்டங்கள் செயல்படுத்த வேண்டும் என்பதே எனது நோக்கம். அதனால் அதை நான் பெரிதாக எடுத்து கொள்ளவில்லை.