விசாரணையில், பள்ளிக்கு செல்லாமல் இருந்ததால் பெற்றோர் அவனை கண்டித்ததாகவும் அதன் பின்னர் வீட்டிலிருந்து மாயமான அரவிந்தன் ரெயிலில் அடிபட்டு இறந்ததும் தெரியவந்தது. இந்த நிலையில் பெற்றோர் திட்டியதால் மனமுடைந்த பள்ளி மாணவன் ரெயில் முன்பு பாய்ந்து தற்கொலை செய்து கொண்டானா? என்ற கோணத்தில் போலீசார் விசாரணை நடத்தி வருகிறார்கள்.

இதேபோல திருப்பூரை சேர்ந்தவர் சையது உசேன் (22). இவரது பெற்றோர் கர்நாடக மாநிலம் பெங்களூருவில் வசித்து வருகின்றனர். இந்த நிலையில் இவர் நேற்று காதில் ஹெட்போன் மாட்டிக்கொண்டு பெற்றோரிடம் செல்போனில் பேசியவாறு வண்டலூர் அருகே தண்டவாளத்தை கடக்க முயன்ற போது, சரக்கு ரெயில் மோதியதில் சம்பவ இடத்திலேயே உயிரிழந்தார்.