பொன்னேரி நகராட்சியில் உள்ள 21 வார்டுகளில் 2019-ம் ஆண்டு ரூ.54 கோடியே 78 லட்சத்தில் பாதாள சாக்கடை அமைக்கும் பணி தொடங்கியது. இதற்காக 41 கிலோ மீட்டர் நீளத்திற்கு 150-க்கும் மேற்பட்ட தெருக்களில் பள்ளங்கள் தோண்டப்பட்டு குழாய்கள் அமைக்கும் பணி நடைபெற்று வருகிறது. கடந்து 4 வருடமாக ஆமை வேகத்தில் பணிகள் நடைபெற்று வருவதால் மழைக்காலங்களில் சாலை சேறும் சகதியுமாக மாறுகிறது. எனவே சாலையில் நடந்து செல்லும் பொதுமக்கள் முதல் அனைத்து தர வாகன ஓட்டிகளும் அவதியடைந்து வருகின்றனர்.