கமுதி அருகே ஓ.கரிசல்குளம் கிராமத்திற்கு மாலை நேரத்தில் பள்ளி மாணவ-மாணவிகள் செல்லும் வகையில் புதிய பஸ் வசதியை ஏற்படுத்தி தரவேண்டும் என தமிழக முதல்-அமைச்சர் மு.க. ஸ்டாலினுக்கும், தமிழக பிற்படுத்தப்பட்டோர் அமைச்சர் ராஜ கண்ணப்பனுக்கும் பள்ளி மாணவ-மாணவிகள், பொதுமக்கள் கோரிக்கை மனு அனுப்பினர். அதன்படி ஓ.கரிசல்குளம் கிராமத்திற்கு பஸ் வசதி செய்து தர காரைக்குடி அரசு போக்குவரத்து கழக நிர்வாக அதிகாரிக்கு உத்தரவிடப்பட்டது.

அதன்படி நேற்று கமுதியில் இருந்து ஓ.கரிசல்குளம் கிராமத்திற்கு பள்ளி மாணவ-மாணவிகள் நலன் கருதி காலையிலும் மாலையிலும் புதிய பஸ் வசதி தொடங்கி வைக்கப்பட்டது. இந்த நிகழ்ச்சியில் பள்ளி மாணவ-மாணவிகள், கிராமப் பெரியோர்கள் கலந்து கொண்டனர். புதிய பஸ் வசதிக்கு ஏற்பாடு செய்த அமைச்சர் ராஜ கண்ணப்பனுக்கு பொதுமக்கள் நன்றி தெரிவித்தனர்.