தேனியில் தமிழ்நாடு ஊரக வாழ்வாதார இயக்கத்தின் சார்பில், மகளிர் சுயஉதவிக்குழு உறுப்பினர்கள் தயாரித்த சானிடரி நாப்கின் விற்பனை மூலம் தொழில் முனைவோர்களை உருவாக்கும் திட்டம் மற்றும் உழவர் உற்பத்தியாளர் நிறுவனத்தின் மூலம் தயாரிக்கப்பட்ட கால்நடை தீவனம் விற்பனை தொடக்க விழா நடந்தது. விழாவில் மாவட்ட கலெக்டர் முரளிதரன் தலைமை தாங்கி இந்த திட்டங்களை தொடங்கி வைத்து, நாப்கின் மற்றும் கால்நடை தீவனம் விற்பனையை தொடங்கி வைத்தார்.

அப்போது கலெக்டர் கூறுகையில், "தேனி மாவட்டத்தில் மகளிர் திட்டம் மூலம் அமைக்கப்பட்ட 8 ஆயிரத்து 933 குழுக்களில், 96 ஆயிரத்து 425 குடும்பங்களில் சுகாதார விழிப்புணர்வு மற்றும் தரமான சானிடரி நாப்கின் வினியோகம் செய்யப்பட உள்ளது. இதன் மூலம் 151 பெண் குறுந்தொழில் முனைவோர்கள் உருவாக்கப்படுகின்றனர்.