பஸ், ஆம்னி பஸ், சுற்றுலா வாகனங்கள், பள்ளி வாகனங்கள், வேன்கள், சரக்கு வாகனங்கள் ஆகியவற்றுக்கு ஒவ்வொரு காலாண்டும் வரி செலுத்த வேண்டும். ஏப்ரல் 1-ந்தேதி முதல் ஜூன் 30-ந்தேதி வரையிலான காலகட்டம் முதல் காலாண்டு ஆகும். ஜூலை 1-ந்தேதி முதல் செப்டம்பர் 30-ந்தேதி வரையிலான காலகட்டம் இரண்டாவது காலாண்டு ஆகும்.

2-வது காலாண்டு வரி செலுத்த கடந்த 15-ந்தேதி கடைசி நாள். அதன்பிறகு அபராதத்துடன் வரி செலுத்த வேண்டும். வரி செலுத்தாமல் இயங்கும் வாகனங்கள் மீது நடவடிக்கை எடுக்க மாவட்ட கலெக்டர் ஷஜீவனா அறிவுறுத்தினார். அதன்பேரில் மாவட்டத்தில் பல இடங்களில் வாகன தணிக்கை செய்யப்பட்டது. அப்போது காலாண்டு வரி செலுத்தாத 117 சரக்கு வாகனங்கள், 28 வேன்கள், 2 பள்ளி வாகனங்கள் என மொத்தம் 147 வாகனங்கள் பறிமுதல் செய்யப்பட்டன.