தூத்துக்குடி மாவட்டத்தைச் சேர்ந்தவர் கிரேஸ்பானு. மூன்றாம் பாலினத்தைச் சேர்ந்த இவர் சென்னை ஐகோர்ட்டில் தாக்கல் செய்த மனுவில், தமிழகத்தில் சுமார் 50 ஆயிரம் மூன்றாம் பாலினத்தவர்கள் உள்ளனர். கடந்த ஆண்டு கொரோனா ஊரடங்கின்போது 3-ம் பாலினத்தவர்களுக்கும் ஆயிரம் ரூபாய் நிதியுதவி வழங்கப்பட்டது. எனவே, ரேசன் அட்டைகளோ, அடையாள அட்டைகளோ இல்லாத 3-ம் பாலினத்தவர்களுக்கும், ரூ.4 ஆயிரம் நிவாரண உதவியை வழங்க தமிழக அரசுக்கு உத்தரவிட வேண்டும் என்று கூறியுள்ளார்.

மேலும் மூன்றாம் பாலினத்தவர்களுக்கு கொரோனா தடுப்பூசி குறித்து விழிப்புணர்வு ஏற்படுத்துவதுடன், அவர்களுக்கு சிறப்பு தடுப்பூசி முகாம்களை நடத்த உத்தரவிட வேண்டும் என்றும் அதில் கோரப்பட்டுள்ளது.