காவிரி விவகாரம்: மத்திய அமைச்சரின் பதிலை திரும்பப் பெற வேண்டும் - சிபிஐ(எம்) வலியுறுத்தல்

பாராளுமன்றம்

காவிரி பாசன உரிமையை பாதுகாக்கவும், மேகதாது அணை கட்ட முயற்சிக்கும் கர்நாடக மாநில அரசின் அடாவடித்தனத்தை எதிர்த்தும் போராட வேண்டிய நிலையில் அன்புமணி ராமதாஸ் அவர்கள் இத்தகைய கேள்வியை பாராளுமன்றத்தில் எழுப்பியிருக்க வேண்டிய அவசியமில்லை.

பன்மாநில நதிகள் சம்பந்தப்பட்ட பிரச்சனையில் தன்னிச்சையாக மேல் பகுதி பாசன பகுதியினர் முடிவெடுக்கக்கூடாது என்பது சர்வதேச அளவில் ஏற்றுக் கொள்ளப்பட்டுள்ள விதிமுறை. இதை அறியாதவரல்ல மத்திய இணைய மந்திரி. ஒன்றிய பாஜக அரசு தமிழ்நாட்டு நலனுக்கு விரோதமாக நடந்து கொள்வதன் தொடர்ச்சியே விளைவுகள் குறித்து கவலைப்படாமல் பாராளுமன்றத்தில் அளித்துள்ள பதில் என்று மார்க்சிஸ்ட் கம்யூனிஸ்ட் கட்சி குற்றம் சாட்டுகிறது.

மேகதாது அணை

நடுவர்மன்ற தீர்ப்பு, காவிரி பிரச்சனை தொடர்பாக சுப்ரீம் கோர்ட் இறுதி தீர்ப்பின் அடிப்படையில் மாதவாரியாக தமிழகத்திற்கு உரிய தண்ணீரை கர்நாடக மாநில அரசு இதுவரை வழங்கியதில்லை. மாறாக, அபரிமிதமான மழை பெய்து உபரி நீரை திறந்து விடும் வடிகாலாகத்தான் தமிழ்நாட்டை பயன்படுத்தி வருகிறது. இந்த நிலையில், மேகதாது அணை கட்டினால், தமிழ்நாட்டிற்குரிய தண்ணீர் கிடைக்காமல் பாலைவனமாகும் ஆபத்தை மறுக்க முடியாது. இதனால் குடிதண்ணீர் மற்றும் பாசனத்திற்கு மிகப்பெரிய பாதிப்பை தமிழ்நாடு எதிர்கொள்ள வேண்டிய நிலை உருவாகும். காவிரி நடுவர் மன்ற உத்தரவின் அனைத்து அம்சங்களையும் சுப்ரீம் கோர்ட் விசாரணைக்கு உட்படுத்தவில்லை என்பதையும் குறிப்பாக, நீர்ப்பங்கீட்டு அளவுகுறித்தே கர்நாடகாவின் கோரிக்கையை பரிசீலித்து தீர்ப்பு வழங்கியது என்பதையும் கவனப்படுத்துகிறோம்.