சி.பி.எஸ்.சி. விடைத்தாள் மறுமதிப்பீடு; இணையதளத்தை மீண்டும் திறக்ககோரிய மனு தள்ளுபடி

கடந்த ஜூன் 2 முதல் 7-ந்தேதி வரை விடைத்தாள் மறுமதிப்பீட்டிற்கு விண்ணப்பம் செய்வதற்கான இணையதளம் செயல்பாட்டில் இருந்த நிலையில், இந்த கால அவகாசத்தை மேலும் சில நாட்கள் நீட்டித்து வழங்க வேண்டும் என்று கோரி இந்திய தேசிய மாணவர் சங்கம் சார்பில் டெல்லி ஐகோர்ட்டில் மனு தாக்கல் செய்யப்பட்டது.

இந்த மனு நீதிபதி நீனா பன்சால் கிருஷ்ணா, நீதிபதி மது ஜெயின் ஆகியோர் அடங்கிய அமர்வில் இன்று விசாரணைக்கு வந்தது. இந்த மனுவை விசாரித்த நீதிபதிகள், விடைத்தாள் மறுமதிப்பீடு விண்ணப்பத்திற்கான இணையதளத்தை திறப்பதற்கு மேலும் சில நாட்கள் அவகாசம் வழங்கினால், தேர்வு முடிவுகளை அறிவிப்பதில் மேலும் தாமதம் ஏற்படும். பாதிக்கப்பட்டவர்கள் யாரேனும் இருந்தால் அவர்கள் தனிப்பட்ட முறையில் கோர்ட்டை அணுகலாம். இது குறித்து வேறு எந்த உத்தரவும் பிறப்பிக்க முடியாது” என்று கூறி மனுவை தள்ளுபடி செய்து உத்தரவிட்டனர்.