மதுரை வழியாக செல்லும் ரெயில் சேவையில் மாற்றம்

மதுரை,

ரெயில் சேவையில் மாற்றம்

மதுரை கோட்டத்தில் தண்டவாளத்தில் பொறியியல் பணி மேற்கொள்ளப்பட இருப்பதால் சில ரெயில்கள் மாற்றுப்பாதையில் இயக்கப்பட உள்ளன. அதன்படி;

* 18-ந்தேதி முதல் வருகிற 23-ந்தேதி வரை செங்கோட்டை- மயிலாடுதுறை எக்ஸ்பிரஸ் (எண்:16848) மதுரையில் இருந்து மானாமதுரை, சிவகங்கை, தேவகோட்டை சாலை, காரைக்குடி, புதுக்கோட்டை, கீரனூர் வழியாக திருச்சி வந்து மயிலாடுதுறைக்கு செல்லும். அந்த நாட்களில் கொடைக்கானல்ரோடு, திண்டுக்கல், வடமதுரை, வையம்பட்டி, மணப்பாறை வழியாக செல்லாது.

* நாகர்கோவில்-மும்பை சி.எஸ்.டி.எம். எக்ஸ்பிரஸ்(எண்:16352) வருகிற 18-ந்தேதி மற்றும் 21-ந்தேதி மதுரையில் இருந்து மானாமதுரை, சிவகங்கை, காரைக்குடி, புதுக்கோட்டை வழியாக திருச்சி வந்து மும்பை செல்லும். அந்த நாட்களில் திண்டுக்கல் வழியாக செல்லாது.

* கன்னியாகுமரி-ஹவுரா அதிவிரைவு ரெயில் (எண்:12666) வரு கிற 20-ந்தேதி மதுரையில் இருந்து மானாமதுரை, சிவகங்கை, காரைக்குடி, புதுக்கோட்டை வழியாக திருச்சி வந்து செல்லும். அன்று கொடைக்கானல் ரோடு, திண்டுக்கல் வழியாக செல்லாது.