காவிரி மேலாண்மை வாரியத்தை உடனடியாக அமைக்க வேண்டும். பெட்ரோல், டீசல் விலை உயர்வை திரும்ப பெற வேண்டும் போன்ற கோரிக்கைகளை வலியுறுத்தி தமிழக வாழ்வுரிமை கட்சி சார்பில், சென்னை நுங்கம்பாக்கத்தில் உள்ள இந்தியன் ஆயில் பவனை முற்றுகையிடும் போராட்டம் நேற்று நடைபெற்றது.

போராட்டத்துக்கு கட்சியின் தலைவர் தி.வேல்முருகன் தலைமை தாங்கினார். மாநில துணை பொதுச்செயலாளர் து.வெ.வேணுகோபால் உள்பட ஏராளமானோர் போராட்டத்தில் கலந்துகொண்டனர். இந்தியன் ஆயில் பவனை முற்றுகையிட முயன்ற தமிழக வாழ்வுரிமை கட்சியினரை போலீசார் கைது செய்து அருகில் உள்ள மண்டபத்தில் தங்க வைத்து பின்னர் மாலையில் விடுவித்தனர்.