குழந்தை கடத்தல்.. 5 மணி நேரத்தில் மீட்ட போலீசார்.. பெண் சிக்கியது எப்படி.?

கணவர் இல்லாத நிலையில் வீட்டிற்கு செல்ல கீதா முடிவு செய்துள்ளார். மதியம் 2.30 மணி அளவில் அவர் ஆட்டோவிற்கு காத்துக்கொண்டிருந்தார். அப்போது அங்கு வந்த அந்த பெண்மணி, 'நானும் வீட்டிற்குத்தான் செல்கிறேன்' என்று கூறி, 'நான் ஆட்டோ அழைத்து வருகிறேன்' என குழந்தையை தன் கையில் வாங்கிக்கொண்டு சென்றதாக சொல்லப்படுகிறது.

ஜி-பே

குழந்தையை வாங்கி சென்ற அந்த பெண், நீண்ட நேரம் ஆகியும் திரும்பி வராததால், அதிர்ச்சியடைந்த கீதா குழந்தையை மருத்துவமனையை சுற்றியுள்ள பகுதிகளில் தீவிரமாக தேடியுள்ளார். பின்னர், தன் குழந்தையை காணவில்லை என ராயபுரம் காவல் நிலையத்தில் புகார் அளித்தார். புகாரின் பேரில் உடனடியாக களமிறங்கிய போலீசார், சந்தேகத்திற்குரிய அந்த பெண் சென்ற இடங்களில் எல்லாம் தீவிர விசாரணை நடத்தினர். அப்போது, அவர் ஒரு கடையில் ஜி-பே மூலம் பணம் செலுத்தியது போலீசாருக்கு தெரியவந்தது.

கைது

அதனை தொடர்ந்து, சந்தேகத்திற்குரிய அந்த பெண்ணின் தொலைபேசி எண்ணை போலீசார் பெற்றனர். அவரது செல்போன் டவர் இருப்பிடம் மற்றும் சிசிடிவி காட்சிகளை அடிப்படையாக வைத்து தீவிரமாக தேடிய போலீசார், குழந்தையை கடத்திய பெண்ணை புளியந்தோப்பு பகுதியில் வைத்து கையும் களவுமாக 5 மணி நேரத்தில் பிடித்தனர். பிடிபட்டபோதும் அந்த பெண், இந்த குழந்தை என்னுடையது' என்று போலீசாரிடம் அடம் பிடித்துள்ளார். ஆனால், சிசிடிவி காட்சிகளில் அந்தப் பெண் குழந்தையை கடத்தி சென்றது தெளிவாகப் பதிவாகியிருந்ததால், போலீசார் அவரை உடனடியாக கைது செய்தனர்.

கைது செய்யப்பட்ட பெண் கொடுங்கையூரை சேர்ந்த ரோஸ்மேரி என்றும் அவருக்கு திருமணமாகி குழந்தை இல்லாததால் விரக்தியில் இருந்ததாகவும் விசாரணையில் தெரிய வந்துள்ளது. இந்த சம்பவம் தொடர்பாக குழந்தையை கடத்திய விற்கும் நபர் என்ற கோணத்திலும் போலீசார் தீவிர விசாரணை நடத்தி வருகின்றனர்.