கோவை கார் வெடிப்பு வழக்கில் கைது செய்யப்பட்ட அசாருதீன் தற்போது புழல் சிறையில் அடைக்கப்பட்டுள்ளார். அவரை காவலில் எடுத்து விசாரித்த தேசிய புலனாய்வு முகமை(என்.ஐ.ஏ.) அதிகாரிகள், விசாரணையின் போது அசாருதீனை துன்புறுத்தியதாக அசாருதீனின் தந்தை முகமது யூசுப் சென்னை ஐகோர்ட்டில் மனுத்தாக்கல் செய்திருந்தார்.

அந்த மனுவில், என்.ஐ.ஏ. அதிகாரிகள் அசாருதீனை தலைகீழாக தொங்கவிட்டு தாக்கியதாகவும், இதனால் அவரது உடலில் பல இடங்களில் காயங்கள் உள்ளதாகவும், உயிருக்கு ஆபத்தான நிலையில் உள்ள அசாருதீனுக்கு உரிய சிகிச்சை வழங்க உத்தரவிட வேண்டும் எனவும் அசாருதீனின் தந்தை கோரிக்கை விடுத்திருந்தார்.