தமிழ்நாடு கட்டுமான கழகத்தால் பதிவு பெற்ற கட்டுமானத் தொழிலாளர்களுக்கு 3 மாத கால திறன் பயிற்சி மற்றும் ஒருவார கால திறன் மேம்பாட்டு பயிற்சிகள் வழங்கப்பட உள்ளது. பயிற்சி பெறும் கட்டுமான தொழிலாளர்களின் கல்வி தகுதி 5-ம் வகுப்பு முதல் பிளஸ்-2 மற்றும் ஐ.டி.ஐ. ஆகும். வயது வரம்பு 18-ல் இருந்து 40-ஆக இருத்தல் வேண்டும். கொத்தனார், மின்சார பயிற்சி, குழாய் பொருத்துனர், மர வேலை, தச்சு வேலை உள்ளிட்ட தொழில்களுக்கு பயிற்சி வழங்கப்பட உள்ளது.

இந்த பயிற்சிக்கு கட்டணம் ஏதும் கிடையாது, உணவு, தங்குமிடம் ஆகியவை இலவசமாக வழங்கப்படும். பயிற்சி பெறுபவர்களுக்கு தனியார் நிறுவனங்களில் வேலை வாய்ப்பு வழங்க ஏற்பாடு செய்யப்படும். இதில் பயிற்சிக்கு தமிழ் எழுத, படிக்க தெரிந்தால் போதுமானது.