இந்தியக் கம்யூனிஸ்ட் கட்சி நூற்றாண்டு நிறைவு ஜனசக்தி சிறப்பு மலர் வெளியீட்டு விழா - மு. வீரபாண்டியன்

இம்மலரில், இந்தியக் கம்யூனிஸ்ட் கட்சியின் வரலாறு, அது நடத்திய பல்வேறு வீரமிகுப் போராட்டங்கள், பல்வேறு துறைகளில் அதன் பங்களிப்பு போன்றவை குறித்து பல்வேறு அமைப்புகளின் தலைவர்கள் எழுதிய கட்டுரைகள் இடம்பெற்றுள்ளன. வரலாற்றுப் பெட்டகமாய் வெளிவரும் இம்மலரின் வெளியீட்டு விழா, நாளை (11.03.2026) புதன் கிழமை மாலை 4.00 மணிக்கு, சென்னை தியாகராயர் நகர், செவாலியர் சிவாஜி கணேசன் சாலையில் உள்ள இந்தியக் கம்யூனிஸ்ட் கட்சியின் தமிழ்நாடு மாநில தலைமையகமான “பாலன் இல்லத்தில்” நடைபெற உள்ளது.

இவ்விழாவிற்கு, இந்தியக் கம்யூனிஸ்ட் கட்சியின் மாநிலச் செயலாளர் மு.வீரபாண்டியன் தலைமை தாங்குகிறார். மாநில துணைச் செயலாளர் எம்.ரவி வரவேற்புரை நிகழ்த்துகிறார். மலர் தயாரிப்புக் குழு ஒருங்கிணைப்பாளர் டி.எம்.மூர்த்தி, மலர் அறிமுக உரையாற்றுகிறார். திராவிடர் கழகத்தின் தலைவர் ஆசிரியர் திரு.கி.வீரமணி மலரை வெளியிட்டு சிறப்புரையாற்றுகிறார். மருத்துவம் மற்றும் மக்கள் நல்வாழ்வுத்துறை அமைச்சர் திரு. மா.சுப்பிரமணியன் மலரை பெற்று சிறப்புரையாற்றுகிறார். மூத்த தொழிற்சங்க தலைவர் திரு.இரா. குசேலர் வாழ்த்துரை வழங்குகிறார். மாநில துணைச் செயலாளர் நா. பெரியசாமி நன்றியுரையாற்றுகிறார். இவ்விழாவில், ஏராளமானோர் கலந்து கொள்கின்றனர். இவ்விழாவில் ரூ.300/- விலையுள்ள மலர் ரூ.250/- க்கு கிடைக்கும்.

இவ்வாறு அதில் தெரிவிக்கப்பட்டுள்ளது.