தமிழக செய்திகள்

இருதரப்பினர் இடையே மோதல்; 4 பேர் மீது வழக்கு

இருதரப்பினர் இடையே மோதல் ஏற்பட்டது தொடர்பாக 4 பேர் மீது போலீசார் வழக்குப்பதிவு செய்துள்ளனர்.

Published:4th Mar, 2023 at 7:28 PM

இருதரப்பினர் இடையே மோதல் ஏற்பட்டது தொடர்பாக 4 பேர் மீது போலீசார் வழக்குப்பதிவு செய்துள்ளனர்.

மோதல்

திருச்சி பாலக்கரை வடக்கு கல்லுக்கார தெருவை சேர்ந்தவர் கோகுல்நாத் (வயது 24). இவரும் பெரியமிளகுபாறையை சேர்ந்த சிவக்குமார் (49) என்பவரும் சத்திரம் பஸ் நிலையம் பகுதியில் மாநகராட்சிக்கு சொந்தமான கடையை வாடகைக்கு நடத்தி வருகின்றனர். தொழில் போட்டியால் இவருக்கும் முன்விரோதம் ஏற்பட்டது. சம்பவத்தன்று இரவு இரு தரப்பினரும் மோதி கொண்டனர். இதுகுறித்து இருதரப்பினரும் தனித்தனியே அளித்த புகாரின்பேரில் கோகுல்நாத், சிவக்குமார் உள்பட 4 போ மீது போலீசார் வழக்குப்பதிவு செய்தனர்.

* மலைக்கோட்டை பகுதியில் கோட்டை போலீசார் ரோந்து பணியில் ஈடுபட்டனர். அப்போது அங்கு லாட்டரி சீட்டுகள் விற்றுக்கொண்டிருந்த சீனிவாசபுரத்தை சேர்ந்த மதன்குமார் ( 33), சிவகங்கை மாவட்டத்தை சேர்ந்த செல்வம் (46), திருச்சி இ.பி.ரோடு பகுதியை சேர்ந்த பெரியண்ணசாமி (29) ஆகியோரை கோட்டை போலீசார் கைது செய்தனர். மேலும் அவர்களிடம் இருந்து லாட்டரி சீட்டுகள், செல்போன் உள்ளிட்டவை பறிமுதல் செய்யப்பட்டன.

*அரியமங்கலம் எஸ்.ஐ.டி. கல்லூரி முதல்வர் விஜயகுமார் (57) அரியமங்கலம் போலீஸ் நிலையத்தில் ஒரு புகார் கொடுத்தார். அதில், எஸ்.ஐ.டி. கல்லூரி வளாகத்திற்கு உட்பட்ட பகுதியில் உள்ள கம்பி வேலியை பானி பூரி விற்பனை செய்து வரும் அரவான், அவரது மனைவி அபிராமி ஆகியோர் சேதப்படுத்தினர். இது தொடர்பாக கேட்டதற்கு மிரட்டியதோடு ஆபாசமான வார்த்தையால் திட்டினர். அவர்கள் மீது நடவடிக்கை எடுக்க வேண்டும் என்று கூறி உள்ளார். அதேபோல் நெடுஞ்சாலைத்துறை ரோந்து பணியாளர் மணிகண்டனும் அந்த தம்பதி மீது புகார் கொடுத்துள்ளார். இது குறித்து அரியமங்கலம் போலீசார் அரவான், அபிராமி மீது வழக்குப்பதிவு செய்துள்ளனர்.