கள்ளக்குறிச்சி மாவட்டத்தில் கள்ளக்குறிச்சி மின் பகிர்மான வட்டத்தின் சார்பில் இந்த மாதத்துக்கான மின் நுகர்வோர் குறைதீர்க்கும் கூட்டம் அந்தந்த கோட்ட அலுவலகங்களில் கள்ளக்குறிச்சி மேற்பார்வை மின் பொறியாளர் கிருஷ்ணமூர்த்தி தலைமையில் நடைபெறுகிறது. அதன்படி கள்ளக்குறிச்சி கோட்டத்தில் இன்றும்(செவ்வாய்க்கிழமை), திருக்கோவிலூர் கோட்டத்தில் வருகிற 8-ந் தேதியும்(செவ்வாய்க்கிழமை), உளுந்தூர்பேட்டை கோட்டத்தில் வருகிற 22-ந் தேதியும்(செவ்வாய்க்கிழமை) மின் நுகர்வோர் குறைகேட்பு கூட்டம் காலை 10 மணி முதல் பகல் 1 மணிவரை நடைபெறுகிறது. இதில் அந்தந்தபகுதி மின் நுகர்வோர் கலந்துகொண்டு பயன்பெறுமாறு கேட்டுக்கொள்ளப்படுகிறார்கள். மேற்கண்டவாறு கள்ளக்குறிச்சி மேற்பார்வை பொறியாளர் கிருஷ்ணமூர்த்தி வெளியிட்டுள்ள செய்திக்குறிப்பில் கூறப்பட்டுள்ளது.