முதல்-அமைச்சராக பதவியேற்கும் விஜய்க்கு கான்வாய் பாதுகாப்பு

முன்னதாக தேர்தல் முடிவுகள் வெளியான தினத்தில் இருந்து, த.வெ.க. தலைவர் விஜய்க்கு முதல்-அமைச்சருக்கான கான்வாய் பாதுகாப்பு வழங்கப்பட்டது. ஆனால், த.வெ.க. ஆட்சியமைப்பதில் சிக்கல் நீடித்த நிலையில், விஜய்க்கு வழங்கப்பட்ட கான்வாய் பாதுகாப்பு கடந்த 6-ந்தேதி திரும்ப பெறப்பட்டது.

பட்டினப்பாக்கத்தில் உள்ள அலுவலகத்தில் ஆலோசனை கூட்டத்திற்காக விஜய் சென்றிருந்தபோது அவருடன் சென்ற பாதுகாப்பு வாகனங்கள், அவர் திரும்பி வரும்போது அவருடன் வரவில்லை. காவல்துறை வாகனங்கள் மட்டுமே விஜய்யுடன் பாதுகாப்பிற்கு சென்றன.

இந்த நிலையில், நாளைய தினம் தமிழக முதல்-அமைச்சராக விஜய் பதவியேற்க உள்ளதையடுத்து, தற்போது விஜய்க்கு மீண்டும் முதல்-அமைச்சருக்கான கான்வாய் பாதுகாப்பு வழங்கப்பட்டுள்ளது. எந்த இடத்தில் இருந்து கான்வாய் பாதுகாப்பு விலக்கப்பட்டதோ, அதே இடத்தில் இருந்து மீண்டும் பாதுகாப்பு வழங்கப்பட்டுள்ளது. கவர்னரை சந்தித்த பிறகு கான்வாய் பாதுகாப்புடன் த.வெ.க. தலைவர் விஜய் பட்டினப்பாக்கம் அலுவலகத்திற்கு சென்றுள்ளார்.

மேலும், இன்று மினி கான்வாய் பாதுகாப்பு வழங்கப்பட்டுள்ளதாகவும், நாளை பதவியேற்பு விழா நடந்த பிறகு விஜய்க்கு முதல்-அமைச்சருக்கான முழு கான்வாய் பாதுகாப்பு வழங்கப்படும் என்றும் தகவல் தெரிவிக்கப்பட்டுள்ளது குறிப்பிடத்தக்கது.