சென்னையில் வளர்ச்சி திட்டப்பணிகள் குறித்து மாநகராட்சி ஆணையர் ஆய்வு

மழைநீர் வடிகால் பணிகள்

பின்னர், நீர்வளத்துறை மூலமாக வார்டு-84 மற்றும் 85க்குட்பட்ட சிட்கோ 3வது பிரதான சாலை முதல் கூவம் வரை மேற்கொள்ளப்பட்டு வரும் மழைநீர் வடிகால் பணிகளைப் பார்வையிட்டு, பணிகளை துரிதமாக முடித்திட அலுவலர்களுக்கு அறிவுறுத்தினார். தொடர்ந்து, வார்டு-86க்குட்பட்ட அத்திப்பட்டு தமிழ்நாடு நகர்ப்புற வாழ்விட மேம்பாட்டு வாரியக் குடியிருப்பு பகுதியில் பெருநகர சென்னை மாநகராட்சியின் சார்பில் கட்டப்பட்டுள்ள படிப்பகம், உடற்பயிற்சிக் கூடம், குடியிருப்பு சுவர்களில் வரையப்பட்டுள்ள வண்ண ஓவியங்கள், கால்பந்து மைதானம், இறகுப்பந்தாட்ட மைதானம் உள்ளிட்ட மேம்பாட்டுப் பணிகள் மற்றும் அடிப்படை வசதிகள் மேற்கொள்ளப்பட்டுள்ளதைப் பார்வையிட்டு ஆய்வு செய்து, குடியிருப்பு வளாகங்களில் தூய்மைப் பணிகள் மற்றும் விளையாட்டு மைதானங்களை முறையாகப் பராமரித்திட மாநகராட்சி அலுவலர்களுக்கு அறிவுறுத்தினார். இந்த ஆய்வுகளின்போது, மத்திய வட்டார துணை ஆணையாளர் திரு.எச்.ஆர்.கௌஷிக், இ.ஆ.ப., மண்டல அலுவலர் திரு.பிரபாகர் மற்றும் மாநகராட்சி அலுவலர்கள் உடனிருந்தனர்.

இவ்வாறு அதில் கூறபட்டுள்ளது.