ஊட்டிக்கு படையெடுக்கும் சுற்றுலாபயணிகள் கூட்டம்; கோவையில் இருந்து சிறப்பு பஸ்கள் இயக்கம்

கோவை மத்திய பஸ்நிலையம் மற்றும் கவுண்டம்பாளையத்தில் உள்ள புறநகர் பஸ்நிலையங்களில் இருந்து அரசு பஸ்கள் புறப்பட்டுச் செல்கின்றன. அந்த பஸ்களில் கூட்டம் நிரம்பி வருகிறது.கோவை பஸ்நிலையத்தில் கூட்ட நெரிசலை தவிர்க்க, பயணிகள் வரிசையில் நின்று பஸ்களில் ஏறுவதற்கான ஏற்பாடுகளை அதிகாரிகள் செய்துள்ளனர். அதன்படி பொதுமக்கள் வரிசையில் நின்று பஸ்களில் ஏறிச் சென்றனர்.இன்று காலை பயணிகள் கூட்டம் அதிகமாக இருந்தது. பஸ்கள் வந்தவுடன் அவை உடனுக்குடன் பயணிகள் கூட்டத்தால் நிரம்பி புறப்பட்டுச் சென்றன. இனி வரும் நாட்களில் சுற்றுலாப் பயணிகளின் வருகை மேலும் அதிகரிக்கும் என எதிர்பார்க்கப்படுகிறது.