ஆர்ப்பாட்டத்திற்கு ஏழுமலை தலைமை தாங்கினார். காளியப்பன் கண்டன உரையாற்றினார். இதில் மாநில துணை செயலாளர் செழியன், தலைமைக்குழு உறுப்பினர் மோகன் உள்பட பலர் கலந்துகொண்டு மாணவி ஸ்ரீமதி மரணத்திற்கு நீதி கேட்டும், போராட்டத்தில் ஈடுபட்டவர்களை விடுதலை செய்யக்கோரியும் கோஷம் எழுப்பினர். உடனே விழுப்புரம் தாலுகா போலீசார் விரைந்து வந்து அனுமதியின்றி ஆர்ப்பாட்டத்தில் ஈடுபட்ட 70 பேரை கைது செய்து போலீஸ் வேனில் ஏற்றிச்சென்று விழுப்புரத்தில் உள்ள ஒரு திருமண மண்டபத்தில் தங்க வைத்தனர். பின்னர் அவர்கள் அனைவரும் மாலையில் விடுவிக்கப்பட்டனர்.