பாசன வசதி

மேலமணலி கிராமத்தில் உள்ள பனையனார் வடிகால் வாய்க்கால் 11.50 கிலோ மீட்டர் தூரத்துக்கு தூர்வாரப்பட உள்ளது. இதன்மூலம், கர்ணாவூர், ஓகைப்பேரையூர், மேலமணலி, ஆத்தூர், ஈழங்கொண்டான், பூந்தாழங்குடி ஆகிய பகுதிகளில் 500 ஏக்கர் பாசன நிலம் பயனடையும். இந்த தூர்வாரும் பணி கர்ணாவூர் முதல் ஊட்டியாணி வரை நடைபெறும். இதன் மூலம் அப்பகுதி விவசாயத்துக்கு தண்ணீர் எளிதில் சென்று அடையும்.நிகழ்ச்சியில் மன்னார்குடி உதவி கலெக்டர் கீர்த்தனாமணி, வெண்ணாறு கோட்ட செயற்பொறியாளர் ராஜேந்திரன், உதவி செயற்பொறியாளர் சிதம்பரம், திருவாரூர் ஒன்றியக் குழு தலைவர் தேவா, மன்னார்குடி ஒன்றியக் குழு உறுப்பினர் குமரேசன், நகர்மன்ற உறுப்பினர் பிரகாஷ், மேலமணலி ஊராட்சி மன்ற தலைவர் இந்துமதி, கூத்தாநல்லூர் தாசில்தார் குருமூர்த்தி மற்றும் அரசு அலுவலர்கள் கலந்து கொண்டனர்.