சென்னை,
தமிழக-கேரள எல்லை பகுதியான களியக்காவிளை சந்தை ரோட்டில் உள்ள சோதனைச்சாவடியில் பணியில் இருந்த சிறப்பு சப்-இன்ஸ்பெக்டர் வில்சன் (வயது 57) கடந்த 8-ந்தேதி இரவு பயங்கரவாதிகளால் சுட்டுக்கொல்லப்பட்டார். இந்த சம்பவம் தொடர்பாக பயங்கரவாதிகளான அப்துல் சமீம், தவுபீக் ஆகிய 2 பேரையும் போலீசார் தனிப்படை அமைத்து தேடி வருகிறார்கள்.
இந்நிலையில் சிறப்பு சப்-இன்ஸ்பெக்டர் வில்சன் கொலையாளிகளான சமீம் மற்றும் தவுபீக்கின் மாறுவேட படங்களை கேரள போலீஸ் வெளியிட்டது. மேலும் மாறுவேட மாதிரி தோற்றத்தில் தெரிந்தால், அவர்களை பற்றி தகவல் கொடுக்குமாறு பொதுமக்களுக்கு போலீசார் கோரிக்கை விடுத்துள்ளனர்.