எடப்பாடி பழனிசாமி இன்று நாங்குநேரி தொகுதியில் அ.தி.மு.க. வேட்பாளருக்கு ஆதரவாக திறந்தவெளி வேன் மூலம் பிரசாரம் மேற்கொண்டார். அவர் 16 மற்றும் 17ந்தேதிகளில் விக்கிரவாண்டி தொகுதியிலும், 18ந்தேதி மீண்டும் நாங்குநேரி தொகுதியிலும் பிரசாரம் செய்கிறார்.

நாங்குநேரியில் முதல் அமைச்சர் பழனிசாமி பிரசாரத்தில் ஈடுபட்டு பேசும்பொழுது, நாடாளுமன்ற தேர்தலில் பெய்யான வாக்குறுதிகளை மக்களுக்கு அளித்து தி.மு.க. வெற்றி பெற்றது என கூறினார்.

ஆனால் தி.மு.க. அளித்த வாக்குறுதிகள் என்னவானது? என கேள்வி எழுப்பிய முதல் அமைச்சர், செய்ய முடியாத காரியங்களை எல்லாம் கூறி தி.மு.க. தலைவர் வாக்கு பெற்றார் என்று கூறியுள்ளார்.

பா.ஜ.க.வின் பினாமி அ.தி.மு.க. என கூறி வருகின்றனர். ஆனால் மக்களுக்கு எதிரான திட்டங்களை அ.தி.மு.க. அரசு எதிர்த்தே வந்துள்ளது. முத்தலாக் சட்ட மசோதா அவையில் கொண்டு வரப்பட்டபொழுது அ.தி.மு.க. அதற்கு எதிராகவே வாக்களித்தது என அவர் கூறியுள்ளார்.