கேள்வி:- தி.மு.க. தலைவர் மு.க.ஸ்டாலின் தனது பிரசாரத்தில் அ.தி.மு.க.வில் ஒருவர் வெற்றி பெற்றாலும் அது குறித்து பா.ஜ.க. வெற்றி பெற்றதாக தான் அர்த்தம் என்று கூறி உள்ளாரே?

பதில்:-தி.மு.க. ஒரு குடும்ப கட்சி. அது ஒரு கார்ப்பரேட் நிறுவனமாக மாறிவிட்டது. தி.மு.க. வேட்பாளர் ஒருவர் வெற்றி பெற்றாலும் அது மு.க.ஸ்டாலின் குடும்பத்தினர் வெற்றி பெற்றதாக தான் அர்த்தம்.

தேர்தல் கருத்து கணிப்பு

கேள்வி:- தேர்தல் கருத்துகணிப்பு உங்களுக்கு எதிர்மறையாகவே வருகிறதே?

பதில்:- கருத்துக் கணிப்புகள் அனைத்தும் பொய். ஓட்டுகள் எண்ணிக்கையின் போது உண்மை நிலவரம் தெரிய வரும்.

கேள்வி:- தமிழகத்தில் பிரசாரம் சூடுபிடிக்க தொடங்கிவிட்டதா?

பதில்:- பிரசாரம் சூடுபிடிக்க தொடங்கி விட்டது. தமிழகத்திற்கு தேர்தல் பிரசாரம் செய்ய பிரதமர் நரேந்திர மோடி, உள்துறை மந்திரி அமித்ஷா, நிதி மந்திரி நிர்மலா சீதாராமன் ஆகியோர் வருகை தர உள்ளனர். பா.ஜ.க. உறுப்பினர்கள் சட்டசபையில் இரட்டை இலக்க எண்ணிக்கையில் இடம் பெறுவார்கள்.

இவ்வாறு அவர் கூறினார்.