முதல்-அமைச்சர் மு.க.ஸ்டாலின தலைமையில் தி.மு.க. எம்.எல்.ஏ.க்கள் கூட்டம் திங்கட்கிழமை (21-ந் தேதி) மாலை 5 மணியளவில், சென்னை அண்ணா அறிவாலயம் கலைஞர் அரங்கில் நடைபெறும். அதில், தி.மு.க. சட்டமன்ற உறுப்பினர்கள் அனைவரும் தவறாது கலந்து கொள்ள வேண்டும். இவ்வாறு அதில் கூறப்பட்டுள்ளது.

சட்டசபையில் கவர்னர் உரை நிகழ்த்தியபிறகு, அவரது உரைக்கு நன்றி தெரிவிக்கும் தீர்மானத்தின் மீதான விவாதம் 3 நாட்கள் நடைபெறும் என தெரிகிறது. எனவே, இந்தக் கூட்டத் தொடரில், தி.மு.க. உறுப்பினர்கள் எவ்வாறு நடந்து கொள்ள வேண்டும், யார் யார் உரையாற்ற வேண்டும் என்பது குறித்து எம்.எல்.ஏ.க்கள் கூட்டத்தில் ஆலோசித்து முடிவு எடுக்கப்பட இருக்கிறது.