தமிழ்நாடு முழுவதும் தேர்தல் குறித்த விழிப்புணர்வு நடவடிக்கை: தேர்தல் ஆணையம்

சென்னை,

தமிழ்நாடு தலைமை தேர்தல் அதிகாரி அர்ச்சனா பட்நாயக் வெளியிட்ட செய்திக்குறிப்பில் கூறப்பட்டு இருப்பதாவது:-

தமிழ்நாடு சட்டமன்ற தேர்தலின் ஒரு பகுதியாக, வாக்காளர் கல்வி மற்றும் தேர்தல் பங்கேற்பு (ஸ்வீப்) திட்டம் தமிழ்நாடு முழுவதும் விரிவாகச் செயல்படுத்தப்பட்டு வருகிறது. வாக்காளர்களின் விழிப்புணர்வை அதிகரிப்பது, தகவல் அறிந்த மற்றும் தார்மீக அடிப்படையிலான வாக்களிப்பை ஊக்குவிப்பது மற்றும் சமூகத்தின் அனைத்துப் பிரிவினரிடையே முழுமையான தேர்தல் பங்கேற்பை உறுதி செய்வதையும் இத்திட்டம் நோக்கமாகக் கொண்டுள்ளது.

மாவட்ட தேர்தல் அதிகாரிகள் மற்றும் தேர்தல் நடத்தும் அதிகாரிகள், சட்டமன்ற தொகுதிகள் அளவில் இந்த முன்னெடுப்புகளைத் தீவிரமாக செயல்ப டுத்தி வருகின்றனர். மாநிலம் முழுவதும் பல்வேறு விழிப்பு ணர்வு நடவடிக்கைகள் பெரிய அளவில் நடத்தப்பட்டு வருகின்றன. ஸ்வீப் திட்டத்தின் கீழ் பெரிய அளவிலான 1,486 நிகழ்ச்சிகளும், 22,130 சிறிய அளவிலான நிகழ்ச்சிகளும் ஏற்பாடு செய்யப்பட்டுள்ளன.