சேலம் மாவட்டம் மேட்டூரில் உள்ள ஒரு தனியார் இ-சேவை மையத்தில் போலி சான்றிதழ்கள் தயாரித்து வருவதாக மேட்டூர் வருவாய் துறை அதிகாரிகளுக்கு புகார் சென்றது. இதைத்தொடர்ந்து வருவாய்த்துறையினர் சம்பந்தப்பட்ட இ-சேவை மையத்துக்கு சென்றனர்.

பின்னர் இ-சேவை மையத்தில் இருந்தவர்களிடம் விசாரணை நடத்திய அதிகாரிகள் அங்கிருந்த கணினி மற்றும் ஹார்டுடிஸ்குகளை பறிமுதல் செய்தனர். அதனை மேட்டூரில் உள்ள தாலுகா அலுவலகத்துக்கு கொண்டு சென்றனர். மேலும் இதுகுறித்து விசாரணை நடத்தகோரி மேட்டூர் போலீசாரிடம் தெரிவித்துள்ளதாக தெரிகிறது.