தடையின்றி மும்முனை மின்சாரம் வழங்க வேண்டும் என்பன உள்பட 10 அம்ச கோரிக்கைகளை வலியுறுத்தி இந்த போராட்டத்தில் ஈடுபட்டனர். இதில், விவசாய தொழிலாளர் சங்க பொருளாளர் இளங்கோவன், முன்னோடி விவசாயி கணேசன் மற்றும் ஒன்றியக்குழு உறுப்பினர்கள், விவசாயிகள் பங்கேற்றனர். அவர்களிடம் பாபநாசம் தாசில்தார் மதுசூதனன் பேச்சுவார்த்தை நடத்தினார். உங்களது கோரிக்கைகள் தொடர்பாக வருகிற 10-ந் தேதி(வெள்ளிக்கிழமை) பாபநாசம் வட்ட அலுவலகத்தில் அமைதிப் பேச்சுவார்த்தை கூட்டம் நடத்தி தீர்வு காணப்படும் என தெரிவித்ததன்பேரில், போராட்டத்தை தற்காலிகமாக ஒத்தி வைத்து விட்டு அனைவரும் கலைந்து சென்றனர்.