நடமாடும் உணவு பகுப்பாய்வு கூடம் மூலம் நாள்தோறும் 25 முதல் 50 உணவு மாதிரிகள் ஆய்வு செய்யப்பட்டன. இதில் சாப்பிட தகுதி இல்லாத உணவுகள் கைப்பற்றப்பட்டு அழிக்கப்பட்டு, சம்பந்தப்பட்டவர்களுக்கு எச்சரிக்கை விடுக்கப்பட்டது.

மீன்- கோழிக்கறி அழிப்பு

மொத்தம் 224 உணவு மாதிரிகள் பரிசோதனை செய்யப்பட்டன. அதில் 22 உணவு மாதிரிகள் தரமற்றதாக கண்டறியப்பட்டன. இதுதொடர்பாக சம்பந்தப்பட்டவர்களுக்கு நோட்டீஸ் வழங்கப்பட்டுள்ளது. மேலும் கெட்டுப்போன நிலையில் இருந்த 8 கிலோ மீன், 14 கிலோ கோழிக்கறி, 7.5 கிலோ நொறுக்குத்தீனி, 12 கிலோ சப்பாத்தி மாவு, 8 கிலோ காய்கறிகள், 13 லிட்டர் பால், 25 லிட்டர் குளிர்பானங்கள், 100 பாக்கெட் பஞ்சுமிட்டாய் ஆகியவை கைப்பற்றப்பட்டு, வியாபாரிகள் முன்னிலையில் அழிக்கப்பட்டது.

ரூ.5 ஆயிரம் அபராதம்

தடை செய்யப்பட்ட குட்காவை விற்பனை செய்த 3 கடைகளுக்கு தலா ரூ.5 ஆயிரம் அபராதம் விதிக்கப்பட்டது. உணவு பாதுகாப்பு தொடர்பாக விழிப்புணர்வு பிரசாரமும் மேற்கொள்ளப்பட்டது.

இவ்வாறு அதில் கூறப்பட்டுள்ளது.