சுவிட்சர்லாந்து ஓபன் சர்வதேச பேட்மிண்டன் போட்டி அங்குள்ள பாசெல் நகரில் நடந்தது. இதில் நேற்று நடந்த பெண்கள் ஒற்றையர் இறுதி ஆட்டத்தில் முன்னாள் உலக சாம்பியனான இந்தியாவின் பி.வி.சிந்து 21-16, 21-8 என்ற நேர் செட்டில் தாய்லாந்தின் புசனன் ஓங்பாம்ருங்பானை எளிதில் தோற்கடித்து மகுடம் சூடினார். இந்த சீசனில் சிந்து வென்ற 2-வது பட்டம் இதுவாகும்.

இந்த நிலையில், சுவிஸ் ஓபன் பேட்மிண்டனில் பட்டம் வென்ற பி.வி.சிந்துவுக்கு முதல்-அமைச்சர் மு.க.ஸ்டாலின் வாழ்த்து தெரிவித்துள்ளார்.