திருச்சியில் இருந்து கொழும்புக்கு விமான சேவை மீண்டும் தொடக்கம்

தற்போது கொரோனா தொற்று குறைந்து வருவதால் இலங்கை தலைநகர் கொழும்புவில் இருந்து திருச்சிக்கும், திருச்சியில் இருந்து கொழும்புவிற்கும் சிறப்பு விமானங்கள் இயக்குவதற்கு ஸ்ரீலங்கன் ஏர்லைன்ஸ் நிறுவனம் முடிவு செய்து பயணிகளின் முன் பதிவையும் தொடங்கியுள்ளது.

அந்த விமானங்கள் அடுத்த மாதம் (செப்டம்பர்) 2, 9, 16, 23 மற்றும் 30 ஆகிய தேதிகளில் இயக்கப்பட உள்ளதாக அறிவிக்கப்பட்டுள்ளது. இந்த விமானம் கொழும்பில் இருந்து புறப்பட்டு காலை 9 மணிக்கு திருச்சி விமான நிலையத்தை வந்தடைகிறது. இங்கிருந்து மீண்டும் திருச்சியிலிருந்து கொழும்புவிற்கு காலை 10 மணிக்கு புறப்பட்டு செல்கிறது. இந்த விமான சேவை திருச்சியில் சிக்கித் தவிக்கும் இலங்கை மக்களுக்கு பயன் உள்ளதாக இருக்கும் என்று தெரிய வருகிறது.