செங்கல்பட்டு மாவட்டம் கூடுவாஞ்சேரி ரெயில் நிலையம் எதிரே உள்ள புதரில் எலும்புக்கூடு கிடப்பதாக அந்த பகுதியில் மாடு மேய்க்கும் முதியவர் ஒருவர் கூடுவாஞ்சேரி போலீசாருக்கு தகவல் தெரிவித்தார். உடனே சம்பவ இடத்திற்கு கூடுவாஞ்சேரி போலீசார் விரைந்து சென்று பார்த்தபோது அங்கு ஒரு மனித எலும்பு கூடு துண்டு, துண்டாக கிடந்தது. மண்டையோடு தனியாகவும், மார்பு பகுதியில் பனியன் அணிந்தபடி கை கால்கள் மற்றும் உடல் தனியாகவும் கிடந்தது.

இதையடுத்து அந்த எலும்புக்கூட்டை போலீசார் கைப்பற்றி பிரேத பரிசோதனைக்காக செங்கல்பட்டு அரசு ஆஸ்பத்திரிக்கு அனுப்பி வைத்தனர்.