தமிழகத்தில் மாணவ-மாணவிகள் பள்ளிக்கு எளிதாக வந்து செல்லும் வகையில் இலவச பஸ் பாஸ், இலவச சைக்கிள் ஆகியவை வழங்கப்பட்டு வருகின்றன. இதில் இலவச சைக்கிளை பொறுத்தவரை அரசு, அரசு உதவி பெறும் பள்ளிகளில் 11-ம் வகுப்பு பயிலும் மாணவ-மாணவிகளுக்கு வழங்கப்படுகிறது. அதேபோல் அரசு ஐ.டி.ஐ.-யில் படிக்கும் மாணவர்களுக்கும் இலவசமாக சைக்கிள் வழங்கப்பட்டு வருகிறது.

இந்த நிலையில் கொரோனா பரவலால் 2 ஆண்டுகளாக மூடிக்கிடந்த பள்ளிகள், கடந்த கல்வி ஆண்டின் இறுதியில் இருந்து முழுமையாக செயல்பட தொடங்கின. இதையடுத்து பொதுத்தேர்வுகள் முடிவுகள் வெளியாகி, இந்த கல்வி ஆண்டில் அனைத்து மாணவ-மாணவிகளுக்கும் வகுப்புகள் தொடங்கி விட்டன. எனவே மாநிலம் முழுவதும் சுமார் 6 லட்சம் மாணவ-மாணவிகளுக்கு இலவச சைக்கிள் வழங்கப்பட இருக்கிறது.