காட்டுப்பகுதியில் அரை நிர்வாண நிலையில் இளம்பெண் பிணம்.. பலாத்காரம் செய்து கொலையா? கோவையில் அதிர்ச்சி

பின்னர் போலீசார் அந்த இளம்பெண்ணின் உடலை பிரேத பரிசோதனைக்காக கோவை அரசு ஆஸ்பத்திரிக்கு அனுப்பி வைத்தனர். அந்த இளம்பெண் யார்?, எந்த ஊரை சேர்ந்தவர்?. அவர் எப்படி உயிரிழந்தார்? என்பதும் தெரியவில்லை.

அரை நிர்வாண நிலையில் பிணமாக கிடந்ததால் யாரேனும் பாலியல் பலாத்காரம் செய்து கொன்று உடலை காட்டுப்பகுதியில் வீசிச்சென்று இருக்கலாம் என்று கூறப்படுகிறது.

சம்பவம் நடந்த இடம், மதுக்கரை போலீஸ் நிலையத்துக்கு உட்பட்டது என்பதால் இந்த வழக்கு மதுக்கரை போலீசிடம் ஒப்படைக்கப்பட்டது. அவர்கள் வழக்குப்பதிவு செய்து விசாரணை நடத்தி வருகின்றனர்.

இது குறித்து போலீஸ் அதிகாரிகள் கூறியதாவது:-

பிணமாக கிடந்த இளம்பெண்ணின் ஒரு கையில் 'ஜெகன்' என்றும், அதன் அருகே இதய வடிவமும் பச்சை குத்தப்பட்டு இருந்தது. மற்றொரு கையில் 'எஸ்', 'ஜெ' என்ற எழுத்துகளும் இருந்தது. அவருக்கு 25 வயது இருக்கலாம்.

அந்த பெண் நிர்வாண நிலையில் பிணமாக கிடந்ததால் பலாத்காரம் செய்து கொலை செய்யப்பட்டு இருக்க வாய்ப்பு உள்ளது. எனினும், பிரேத பரிசோதனை முடிவில்தான் முழு விவரமும் தெரியவரும். இந்த வழக்கு குறித்து தீவிரமாக விசாரணை நடத்தப்பட்டு வருகிறது.

இவ்வாறு அவர்கள் கூறினர்.