இளம்பெண்ணை பாலியல் வன்கொடுமை செய்த போலீஸ்காரர்கள் மீதான வழக்கு - 2 மாதங்களில் விசாரித்து முடிக்க ஐகோர்ட்டு உத்தரவு

போலீஸ் தரப்பில் ஆஜரான தலைமை குற்றவியல் வக்கீல் ஜான் சத்யன், ''பெண்கள் மற்றும் குழந்தைகளுக்கு எதிரான பாலியல் வன்கொடுமை குற்றங்களை இந்த அரசு தீவிர குற்றமாக கருதுகிறது. திருவண்ணாமலை சம்பவத்தை பொறுத்தமட்டில் சம்பந்தப்பட்ட போலீஸ்காரர்கள் இருவரும் உடனடியாக பணி நீக்கம் செய்யப்பட்டுள்ளனர்'' என்றார்.

இதையடுத்து, இந்த வழக்கு விசாரணையை வரும் ஜூன் 22-ந்தேதிக்கு தள்ளி வைத்த நீதிபதிகள், ''திருவண்ணாமலை வழக்கில் கடந்தாண்டு நவம்பரில் குற்றப்பத்திரிக்கை தாக்கல் செய்தும், இதுவரை திருவண்ணாமலை மகளிர் கோர்ட்டு நீதிபதி விசாரணையை துரிதப்படுத்த நடவடிக்கை எடுக்காதது ஏன்? என்பது புரியவில்லை'' என்றனர். பின்னர், ''இந்த பாலியல் வழக்கை திருவண்ணாமலை கோர்ட்டு தினந்தோறும் என்ற அடிப்படையில் விசாரித்து வரும் ஜூலை 31-ந்தேதிக்குள் தீர்ப்பு அளிக்கவேண்டும்'' என்றும் நீதிபதிகள் உத்தரவிட்டனர்.