தமிழ்நாட்டின் உரிமைக்காக களத்தில் நிற்பேன்; சண்டை செய்வேன் - மு.க.ஸ்டாலின் பேச்சு

சிறுபான்மை மக்கள் பாதுகாப்பாக இருக்கிறார்கள் என்றால் திராவிட மாடல் ஆட்சி வலிமையாக உள்ளதால்தான். ஒவ்வொரு திட்டத்தில் கையெழுத்திடும்போதும் லட்சக்கணக்கான மக்களின் மகிழ்ச்சி தான் என் கண்முன் இருக்கும்.

குடியுரிமை திருத்த சட்டத்தை எதிர்த்து கையெழுத்து இயக்கம் நடத்தியது திமுக. பேரணி நடத்திய என் மீதும் 8,000 பேர் மீதும் முதல் தகவல் அறிக்கை பதிவு செய்தது பழனிசாமி ஆட்சி. குடியுரிமை திருத்த சட்டத்தை ஆதரித்து நாடாளுமன்றத்தில் அதிமுக வாக்களித்தது. அதிமுக எதிர்த்து வாக்களித்து இருந்தால் சிஐஏ சட்டமே நடைமுறைக்கு வந்திருக்காது.

பத்து தோல்வி பழனிசாமி என்று பெயர் வைத்தும் திருந்தாமல் மீண்டும் பாஜகவை சுமந்து வருகிறார். அதிமுக வெற்றி பெற்றால் அது என்டிஏ ஆட்சியாக தான் இருக்கும் என பேச ஆரம்பித்து விட்டார்கள். ஒட்டுமொத்த தமிழகமும் பழனிசாமியை அரசியல் அவமானமாக பார்க்கிறது. பழனிசாமி அவர்களே உங்களின் கொள்கை என்ன? காலை பிடி, காலை வாரி, முதுகில் குத்து இதுதானே?

அதிமுகவுக்கு போடும் வாக்கு பாஜகவுக்கு போடும் வாக்கு. தமிழகத்தை 100 ஆண்டுகள் பின்னோக்கி தள்ளும். நாம் போராடுவது திமுக வெற்றிக்காக அல்ல; ஒட்டுமொத்த தமிழகத்தின் வெற்றிக்காக. இவ்வாறு அவர் கூறினார்.