ஆட்சியமைக்க த.வெ.க.வுக்கு பெரும்பான்மை கிடைக்காவிட்டால்..! கெஜ்ரிவால் பாணியை கையில் எடுக்கும் விஜய்..!

அதாவது, 2012-ம் ஆண்டு ஆம் ஆத்மி கட்சியை தொடங்கிய அரவிந்த் கெஜ்ரிவால், 2013-ம் ஆண்டு டெல்லி சட்டசபை தேர்தலில் போட்டியிட்டு வெற்றி பெற்றார். ஆட்சி அமைக்க பெரும்பான்மை கிடைக்காத நிலையில், காங்கிரஸ் கட்சி ஆதரவுடன் ஆம் ஆத்மி கட்சி ஆட்சி அமைத்தது. ஆனால், ஜன லோக்பால் மசோதாவை சட்டசபையில் நிறைவேற்ற முடியாமல் போனதால், முதல்-மந்திரி அரவிந்த் கெஜ்ரிவால் ராஜினாமா செய்தார். அதாவது, ஆட்சியமைத்து 49 நாட்களிலேயே ஆம் ஆத்மி அரசு கலைந்துபோனது.

அதன்பிறகு, 2015-ம் ஆண்டு மீண்டும் டெல்லியில் நடைபெற்ற சட்டசபை தேர்தலில் ஆம் ஆத்மி கட்சி தனித்து போட்டியிட்டு, பெரும்பான்மையுடன் ஆட்சி அமைத்தது. அதாவது, மொத்தம் உள்ள 70 இடங்களில் 67 இடங்களை கைப்பற்றி அசத்தியது. எனவே, இதுபோன்ற நிலையையே த.வெ.க. தலைவர் விஜய்யும் இப்போது கையில் எடுத்திருப்பதாக கூறப்படுகிறது.

அதாவது, "யாரும் நிபந்தனையற்ற ஆதரவு கொடுத்தால், அதை ஏற்றுக்கொள்ளலாம் என்றும், நிபந்தனையுடன் ஆதரவு கரம் நீட்ட வந்தால், அதை ஏற்றுக்கொள்ள வேண்டாம்" என்றும் முக்கிய நிர்வாகிகள் மத்தியில் விஜய் பேசியதாக கூறப்படுகிறது. "தமிழக மக்கள் நம்மை நம்பி இந்த அளவுக்கு வெற்றியை கொடுத்திருக்கிறார்கள். எனவே, தமிழகத்தில் மீண்டும் தேர்தல் வந்தாலும், இதைவிட அதிக இடங்கள் நமக்கு கிடைக்கும்" என்று நிர்வாகிகள் மத்தியில் விஜய் பேசியதாக தெரிகிறது.

எனவே, ஆதரவுக்கரம் நீட்ட வரும் கட்சிகளை த.வெ.க. தலைவர் விஜய் அரவணைத்துக் கொள்வாரா?, அல்லது கெஜ்ரிவால் பாணியில் மீண்டும் தேர்தலை சந்தித்து பெரும்பான்மையை நிரூபிப்பாரா? என்பது அவருடைய அடுத்தடுத்த அரசியல் நடவடிக்கையில்தான் தெரியவரும்.